>b's weblog

Vernämlassige sin dorum guet
Will mä de Lüt zuloose duet.
Do sin drbi Fachlüt und Laie,
Politiker und Papagäie,
wo in dr Öffentlichkäit stöhn
und ihri Mainig uuselöhn.

Dr Schuss isch duss, s’hei’s alli gsee
An d’ Sicherheit glaubt niemer meh!
Fachlüt und au alli Parteye
Düen’s jetzt halt wyt uuseschreye,
Diä eleggtronischi Wahl
Isch nooni ryf und au ä Qual.

Aber d’Regierige vo dä Kantöön
Findä Ii-Voting no schön.
Ma ka dört Uufgoobe minimiere,
Ka syni Pflichte delegiere,
Im Rächezentrum deponiere
Und d’Verantwortig verliere.

Nur In Gänf – das isch jetz globt-
Hän si sälber sofort gschtoppt,
nachdäm mä bi ihne jetz het wellä
dr Quellcod‘ undere’n Audit stellä.
Aber d’Gänfer wäi kä Zyt me schinde
Und no neui Fähler finde.

(Quelle: noevoting.ch)